isang gabi ng paglalakad sa estero

isang araw ng pagsilip

isang yugto ng pagmulat

ipikit man ng pilit

salat pa rin ang sugat...

saan ka patungo?

hinihingal...tumatakbo...

pilitin ma'ng huminto

ngunit paa'y 'di magkasundo

sa lamig ng hangin

sa ilalim ng buwan at bituin

magtatanong ng pilit

hahabulin ka ng matulin

sandali lang...

saan ka patungo?

hintay...sasama ako.

- isang gabi ng paglalakad sa estero ng jose de trozo

naisulat matapos ang isang paglalakbay sa isang estero na nagsisilbing tahanan ng mga pangkaraniwang juan dela cruz sa maynila kung saan nabigyan ako ng pagkakataong makapasok sa mumunti at madilim nilang tahanan.

nakakalungkot lang isipin na makailang palit na ang nanunungkulan sa gobyerno ay hindi pa rin naipapaayos ang daanan sa gilid ng estero kung saan ilang bata na anng nalaglag at natagpuang lumulutang ng walang buhay..hanggang kelan? hindi ko alam.